ශ්‍රී ලංකා ගුවන් සේවය සිය 44 වැනි සංවත්සරය පසුගියදා සැමරීය. ඒ වෙනුවෙන් එම කාර්යමණ්ඩලයේ සහභාගීත්වයෙන් ලේ දන්දීමේ වැඩසටහනක්ද පැවැත්විණි. එමෙන්ම එම සුවිශේෂී අවස්ථාවට සමගාමීව ශ්‍රී ලංකන් ගුවන් සේවයේ ගුවන් ටිකට්පත් සඳහා 44% ක වට්ටමක් ද ලබාදුන් අතර ගුවන් සමාගමේ Frequent Flyer වැඩසටහන වන Flysmile යටතේ වාසනාවන්ත සාමාජිකයන් දෙදෙනෙකුට කටුනායක බණ්ඩාරනායක ජාත්‍යන්තර ගුවන් තොටුපළේදී නොමිලේ Miles 44,000ක් ලබාදීමද සිදුකෙරිණි.
