නදීෂා හෙල්ලෙන් 14 වැනි තැනට 

ලෝක මලල ක්‍රීඩා තරගාවලිය හෙල්ල විසිකිරීමේ කාන්තා ඉසව්වේ මූලික වටයේ තරග සඳහා ඊයේ (23 වැනිදා) සහභාගි වූ නදීෂා දිල්හානි ලේකම්ගේ 14 වැනි ස්ථානයට පත් වූවාය. එහිදී ඇය විසින් ප්‍රදර්ශනය කරන ලද දක්ෂතාව මීටර් 55.89 කි. ඒ අනුව ඇය අවසාන මහා තරගය සඳහා සුදුසුකම් ලැබීමට අපොහොසත් වූ අතර මෙවර තරගාවලියේ මූලික වටය යටතේ පිරිමි මීටර් 400 ධාවන ඉසව්වට මීට පෙර සහභාගි වූ අරුණ දර්ශනද 6 වැනි ස්ථානයට පත් වූයේය. හන්ගේරියාවේ බුඩාපේස්ට්හිදී මෙම තරගාවලිය පැවැත්වේ.