Virgin Galactic අභ්‍යවකාශ සමාගම ඔවුන්ගේ දෙවන අභ්‍යවකාශ ගමන මේ වනවිටත් අවසන්. ඔවුන්ගේ මෙම අභ්‍යවකාශ සංචාරය සඳහා මවක සහ දියණියක සහභාගී වීමට නියමිතව වුණා. ඒ අතර මුල්ම වතාවට අභ්‍යවකාශ සංචාරයක නිරත වුණ මවක සහ දියණියක ලෙසින් ඔවුන් වාර්තාවක් තැබීමටත් නියමිතයි. කැරිබියන් දූපත්වල සිට සංචාරයේ යෙදෙන පළමු පුද්ගලයන් බවටත් මේ දෙදෙනා පත් වෙනවා.
මෙම සමාගම විසින් ඔවුන්ගේ මුල්ම අභ්‍යවකාශ චාරිකාව Galactic 1 යනුවෙන් නම් කර තිබුණා. එය පසුගිය ජූනි මාසයේදී අවසාන වුණා. අඩි උනතාංශයක සිදුවුණ මෙම ගමන් මාර්ගයම දෙවන අභ්‍යවකාශ චාරිකාව සඳහාද යොදා ගැනීමට Virgin Galactic සමාගම අපේක්ෂා කළා. ගනුදෙනු කරුවන් විසින් මුදල් ගෙවා අභ්‍යවකාශ ගමනක යෙදෙන පළමු අවස්ථාව ලෙසින්ද සැලකෙන මෙම සංචාරය සඳහා ඇමරිකානු ඩොලර් 450,000 මුදලක් අවශ්‍ය වී තිබුණා.
මේ අම්මයි දුවයි කවුද?
ඇනස්ටේෂියා මේයරින් 18 හැවිරිදි ශිෂ්‍යාවක්. දර්ශනය, භෞතික විද්‍යාව හදාරන ඇය ඇබර්ඩීන් විශ්වවිද්‍යාලයේ දෙවන වසරේ ශිෂ්‍යාවක්.
ඇනස්ටේෂියාගේ මව කයිෂා ෂාහෆ්. මෙම සංචාරය සඳහා පුද්ගලයන් තෝරා ගැනීම වෙනුවෙන් ලොතරැයි පතක් මිලට ගෙන එයින් මාසයක් පමණ කාලය ගත වී අවසානයේ ඇය තෝරා ගත් බවට වූ පුවත ලැබෙන විට කයිෂා තම දියණියගේ වීසා සම්බන්ධ කටයුත්තක් වෙනුවෙන් ලන්ඩනය බලා ගමන් ගනිමින් සිටියාය. වර්ජින් අත්ලාන්තික් ගුවන් යානයේ ගමන් ගනිමින් සිටියදී ඇයට මේ පණිවිඩය ලැබුණා.
මට අදහා ගන්න බැරි වුණා. අවසන් තරඟකරුවන් 20 දෙනා අතරට මා තේරී ඇති බවට වූ සටහනක් තිබුණා.මේ ගැන අදහස් දක්වමින් ඇනෙස්ටේෂියා සඳහන් කරන්නේ මම කැරිබියානු දූපත්වලට සීමා වුණා නම් අද මට මේ අවස්ථාව ලැබෙන්නේ නැහැ. දූපත් මානසිකත්වයෙන් මිදී මම අධ්‍යාපන කටයුතු වෙනුවෙන් ස්කොට්ලන්තයට පැමිණීම නිසා මේ අවස්ථාව ලැබුණා.
ඒ වගේම අභ්‍යවකාශතරණයක යෙදෙන ලාබාලතම පුද්ගලයා ලෙසින්ද ඇනස්ටේෂියා වාර්තාවක් තැබීමට නියමිතයි. ඒ අතර මෙම අභ්‍යවකාශ සංචාරය සඳහා බ්‍රිතාන්‍යයේ හිටපු ඔලිම්පික් ක්‍රිඩක ජෝන් ගුඩ්වින් සම්බන්ධ වන අතර දැනට ඔහු පාකින්සන් රෝගියෙක්. අභයවකාශතරණය කරන පළමු පාකින්සන් රෝගියා ලෙසින් ජෝන් වාර්තාවක් තැබීමත් විශේෂයක්.
(බී. බී. සී පුවත් ඇසුරෙන්)
පුන්‍යා චාන්දනී ද සිල්වා
