නවලිය
ePaper
  • News & Events
  • ඉවුම් පිහුම්
  • සුව පියස
  • හැඩ වැ​ඩ
  • තරු විසිතුරු
  • Top Stories
  • Photoshoots
  • Movies
  • කතුවැකිය
Reading: මිනිස් ජාවාරම්කරුවන්ගේ ගොදුරක් නොවන්න…
Aa
නවලියනවලිය
  • Home
  • සුව පියස
  • ඉවුම් පිහුම්
  • හැඩ වැ​ඩ
  • තරු විසිතුරු
  • Top Stories
  • Photoshoots
  • Movies
  • කතුවැකිය
  • ePaper
කතුවැකිය

මිනිස් ජාවාරම්කරුවන්ගේ ගොදුරක් නොවන්න…

Published May 13, 2024

මිනිස් ජාවාරම නොකරන රටක් ලෝකයේ දැන් නොමැත. ඒ තරමට මිනිස් ජාවාරම ලොවම වෙලාගෙන ඇත. අද වනවිට මිනිස් ශ්‍රමය පමණක් නොව මිනිස්සුන් ශරීරයේ ඇති ප්‍රධාන අවයව ලබා ගැනීමටත් ඒවා ලක්ෂ ගණන්වලට විකිණීමටත් මිනිස් ජාවාරම සමත් වී ඇත.මිනිස් ජාවාරමේ අලුත්ම ප්‍රවණතාවය වී ඇත්තේ ලොව පවතින යුද්ධවලට යුද සහයකයන් අවශ්‍ය බව පවසමින් මිනිස් ශ්‍රමය ඩැහැ ගැනීමයි.

මෙවැනි ජාවාරම්කරුවන් මෙම ඩැහැ ගැනීම සඳහා ආදරයෙන් යොමු වී ඇත්තේ දකුණු ආසියාවේ සංවර්ධනය වෙමින් පවතින රටවලට ජනතාව පහසුවෙන් අල්ලා ගැනීමටයි. ඔවුන් මාන බලන්නේ ධරිද්‍රතාවය සහ නූගත් බව ඔවුන්ගේ නීති විරෝධී වැඩවලට බොර දියේ මාළු බෑමක් ලෙස යොදාගැනීමටය.

මේ වනවිට රුසියාව සහ යුක්‍රේනය අතර පවතින යුද්ධයට හමුදා සහායකයන් අවශ්‍ය බව පවසමින් අපේ රටෙන්ද දුප්පත් ජනතාව ලක්ෂ ගණන් මුදල්වලට ජාවරම්කරුවන් විසින් හසුකරගෙන ඇති පුවතක් වාර්තා වී තිබේ.

මිනිස් ජාවාරම්කරුවන් ඔවුන්ට පවසා ඇත්තේ එක් පුද්ගලයකු සඳහා ලක්ෂ දහයේ සිට ලක්ෂ පහළව දක්වා වැටුපක් යුද සහය සෙබළෙකු ලෙස වැඩ කිරීමෙන් ලබාගත හැකි බවයි. ඔවුන් මේ වනවිටත් විශ්‍රාමික යුධ සෙබලුන් මේ ජාවාරමට හසුකරගෙන ඇතැයි වාර්තා වෙයි. කෙසේ වෙතත් එසේ රැවටුනු පුද්ගලයන් යුධ දේශසීමාවේ දුක් විඳින බවත් අනාවරණය වී තිබේ.

රුසියාව සහ යුක්‍රේනය අතර යුද්ධයට දැන් වසර දෙකහමාරක ඉතිහාසයක් තිබේ. තවමත් අප දන්නා තරමට රටකින් අවශ්‍ය යුද්ධ බලඇණි එම යුද්ධයට යොමු කරගත් පුවතක් වාර්තා නොවේ.

තවද ස්වාධීන රටක යුද්ධ හමුදාවකට තවත් ස්වාධීන රටකින් රාජතාන්ත්‍රික මට්ටමෙන් ඉල්ලීමක් සහ අනුමැතියක් නොමැතිව යුද්ධය සඳහා හෝ නීතිමය හමුදාවක් යැවිය නොහැකි වේ. එසේ නම් මෙය තනිකරම මූල්‍යමය ජාවාරමකි.

තවමත් රුසියානු තානාපති කාර්යාලයවත් එවැනි නිල නිවේදයක් ගැන හාන්කවිසියක්වත් නොදනී. එහෙව් වාතාවරණයක මුදල ගැන පමණක් සිතා තමන්ගේ වටිනා ජීවිතය ලෝකයේ පවතින දරුණුතම යුද්ධයකදී නිරපරාදේ බිල්ලට දෙන්න සිත හදාගන්නේ කෙසේදැයි අපිට ඇත්තේ මවිතයකි.

එම නිසා මොන තරම් ආර්ථික ප්‍රශ්න තිබුණත් සාමාජීය ප්‍රශ්න තිබුණත් මිනිස් ජීවිතයක වටිනාකම තේරුම් නොගෙන තම ආදරණීයන්ට ඔබේ වටිනාකම තක්සේරු නොකර මෙවැනි තකතීරු තීරණ ගන්නේ නම් ඔබ මිනිස් ප්‍රාණියකු විය නොහැකිය. ජීවිතය යනු සම්පූර්ණයෙන්ම මුදල් නොවේ.

Share This Article
Facebook Whatsapp Whatsapp Telegram Email Copy Link
What do you think?
Love0
Sad0
Happy0
Sleepy0
Angry0
Leave a comment

Leave a Reply Cancel reply

Your email address will not be published. Required fields are marked *

Ad imageAd image

You Might Also Like

ජනතා පරමාධිපත්‍ය සුරකින්න ඡන්දය දාන්න…

May 5, 2025

මරණය සාමාන්‍යකරණය වීමේ භයානකත්වය…

April 28, 2025

අල්ලස හා දූෂණයට තිත තියන්න රාජ්‍ය සේවකයන්ට මාස 06 ක්…

April 21, 2025

සිංහල අවුරුද්දට කළින්ම ට්‍රම්ප්ගේ වැඩ ඇල්ලීම

April 14, 2025
logo2.png

දේශීය පුවත්පත් කලාවේ වසර 40 කට වඩා අත්දැකීම් ඇති අපේ රටේ කාන්තාවන්ගේ පමණක් නොව පවුලේ සියලු සමාජිකයන්ගෙ බුද්ධියට කතා කරන විනෝදාශ්වාදය ලබා දෙන මුද්‍රිත සහ online යන මාධ්‍ය දෙකෙන්ම නිකුත් වන පුවත්පතකි.

More About Us

Contact Us

Editorial

  • +94 112 331 688
  • harinavaliya@gmail.com

For Advertising

  • +94 777 489 091
  • +94 714 543 001
  • dananjayaw@unl.upali.lk

For Inquiries

  • +94 112 497 500

Our Publications

Upali Newspaper (Private) Limited © 2025 All Right Reserved.
Designed and Developed by MOOVE

Facebook Instagram Youtube
Welcome Back!

Sign in to your account

Lost your password?