අවශ්‍ය ද්‍රව්‍ය
- වතුර කෝප්ප 1
- වේලාගත් මිරිස් කරල් 4
- සීනි කෝප්ප 1
- විනාකිරි කෝප්ප 1
- කුඩාවට කපාගත් සුදු ලූනු මේස හැඳි 1
- රස අනුව ලුණු
- බඩ ඉරිඟුපිටි / කෝන්ෆ්ලා මේස හැඳි 1
- වතුර මේස හැඳි 2
සාදාගන්නා ආකාරය
මුලින්ම භාජනයක් ගෙන එයට වතුර කෝප්ප 1 ක් සහ වියළි මිරිස් කරල් 4 දමාගෙන විනාඩි 5 ත් 7 ක් අතර කාලයක් හොඳින් රත්වීමට තබන්න. ඉන්පසු වතුර නිමෙන තුරු තබා මිරිස් සහ වතුර මිශ්‍රණය බ්ලෙන්ඩරයේ කෝප්පයට දමා බ්ලෙන්ඩරයක් ආධාරයෙන් විනාඩියක් පමණ හොඳින් අඹරා ගන්න.
අඹරාගත් මෙම මිශ්‍රණය නැවත කලින් භාජනයට දමා ලිප පත්තු කර එයට සීනි, විනාකිරි, සුදු ලූනු ලූණු එක්කර විනාඩි 10 ක් පමණ හොඳින් කලවම් කරමින් පිසගන්න. මේ අතර වෙනත් කුඩා භාජනයක් ගෙන එයට බඩ ඉරිඟු පිටි සහ වතුර මේස හැඳි 2 එකතු කර බඩ ඉරිඟු පිටි හොඳින් දියවනතුරු කලවම් කරගන්න.
සාදාගත් මෙම බඩ ඉරිඟු පිටි මිශ්‍රණය ලිපේ ඇති මිරිස් මිශ්‍රණයටම දමා හොඳින් හැඳිගාමින් විනාඩි 8 ක් 10 ක් පමණ මඳ ගින්නේ පිසගන්න. දැන් අපි සෝස් පිළියෙල කර අවසන් ලිප නිවා හැඳිගාමින් විනාඩියක් පමණ සිට සෝස් මිශ්‍රණය නිමුණු පසු හොඳින් සෝදා වේලාගත් වීදුරු බෝතලකට අසුරා ශීතකරණයේ තබා මාස 03 ක් පමණ භාවිතා කරන්න ඔබට පුළුවන්.
