2023 වසරේ කාන්තා එක් දින ක්‍රිකට් ඉනිම ලෙස චමරි අතපත්තු විසින් නවසීලන්තයට එරෙහිව නොදැවී ලබාගත් ලකුණු 140 තෝරා ගැනීමට ලෝක ප්‍රකට ESPN Cricinfo වෙබ් අඩවිය කටයුතු කර ඇත. එම තරගයේදී නවසීලන්තයට එරෙහිව ලකුණු 196ක ඉලක්කයක් හඹා ගිය ශ්‍රී ලංකා කණ්ඩායම වෙනුවෙන් නායිකා චමරි අතපත්තු ලකුණු 140ක් රැස් කරමින් ශ්‍රී ලංකාවට ජයගෙන දුන්නාය. එමෙන්ම නවසීලන්තයට එරෙහිව ඉතිහාසයේ පළමු වරට එක්දින තරගාවලි ජයග්‍රහණයක් ලබා ගැනීම සඳහා දායකත්වය සැපයූ චමරිගේ එම ඉනිම සඳහා 6 පහර 9ක් සහ 4 පහර 13ක් අන්තර්ගත වූ අතර ඉනිමේ ප්‍රහාරාත්මක වේගය 175ක් වූයේය.
ESPN Cricinfo වෙබ් අඩවිය විසින් 2023 වසර ආවරණය වන පරිදි සිදුකළ ක්‍රීඩක දක්ෂතා සඳහා සම්මාන ලබාදීමේදී චමරි එසේ ඇගයීමට ලක් විය.
