අද අපේ රටේ වගේම ලෝකෙ හැමතැනම මයික්රොබ්ලේඩින් රූපලාවන්ය සත්කාර ක්රමය ප්රචලිත වෙමින් පවතිනවා. ඒ එම සත්කාරය දිගු කාලයක් පවතින නිසා වගේම මුහුණට ස්වභාවික සුන්දරත්වයක් ගෙනදෙන නිසා. මයික්රොබ්ලේඩින් කරන්න පුළුවන් ඇහිබැමි වලට විතරක් නෙවේ. තොල්වලට වගේම අයිලයින්ස් වලටත් මේ ක්රමය අත්හදා බලන්න පුළුවන්. සරලවම මයික්රොබ්ලේඩින් කියන්නෙ ඇහැබැමි, තොල් පෙති, අයිලයින්ස්වලට කරන්න පුළුවන් සෙමි පර්මනන්ට් මේක්අප් එකක්.
● මොකද්ද මේ මයික්රොබ්ලේඩින්
මයික්රොබ්ලේඩින් කියන්නෙ ටැටූ කලාව හා සමීප සත්කාරයක්. මයික්රොබ්ලේඩින් සිදුකරනු ලබන්නේ කුඩා ඉඳිකටු කිහිපයකින් සාදන ලද කුඩා මෙවලමක් භාවිතයෙන්. මෙම ප්රතිකාරය සාමාන්යයෙන් ඇහි බැමෙහි හැඩය සහ වර්ණය යන දෙකටම අනුව ඒවායේ පෙනුම වැඩි දියුණු කිරීමට හෝ ප්රතිනිර්මාණය කිරීමට භාවිත කරනවා. සමේ පළමු ස්ථරයට වර්ණක තැන්පත් කිරීමක් තමයි මින් සිදුවෙන්නෙ. එබැවින් එය සාම්ප්රදායික පච්ච කෙටීමේ ක්රමවලට වඩා වේගයෙන් මැකී යයි.
● වාසි
යම්කිසි හේතුවක් මත ඇහිබැම නොවැඩෙන ස්ථාන, වොලියුම් එකෙන් වගේම දිගින් අඩු, මහතින් අඩු හෝ අපිළිවෙළ ඇහිබැම පිළිවෙළට සකසාගන්න තමයි මයික්රොබ්ලේඩින් ක්රමය සිදුකරනු ලබන්නෙ.
● අවාසි
අපිරිසිදු සහ අඩු ගුණාත්මක උපකරණ භාවිතය සමේ ගැටලු රාශියකට හේතු විය හැකියි.
● ටැටූ සහ මයික්රොබ්ලේඩින් පටලගන්න එපා
බොහෝ දෙනා ටැටූ සහ මයික්රොබ්ලේඩින් කලාවන් දෙක පටලගන්නවා. ඒ නිසා සමහරවිට නොදැනුවත්කම හේතුවෙන් ඇහිබැමෙහි ඇති ස්වභාවික පෙනුමට හානියක් වෙන්න වුණත් පුළුවන්. මේ නිසා මයික්රොබ්ලේඩින් ගැන මනා දැනුමක් හා වගකීමක් සහිත රූපලාළවන්යාගාරයකින් මෙම සේවාව ලබාගැනීම ඉතා වැදගත්.
● මේ අයටනම් හොඳ නෑ
රුධිරගත සීනි, අධි රුධිර පීඩනය හා හර්පිස් වැනි රෝගී තත්ත්වයන් තියෙන අය මයික්රොබ්ලේඩින් කිරීම සුදුසු නෑ.
● ආරක්ෂාව සහ පසු රැකවරණය
01. මයික්රොබ්ලේඩින් කළ පසු දින දහයක් ගතවන තුරු විසබීජවලින් ඈත් කර ඇහිබැමි පිරිසිදුව තබාගැනීම ඉතා වැදගත්.
02. නිරතුරුවම බ්ලොටිං කඩදාසි (Tissue) භාවිතයට ගන්න. බ්ලොටිං කඩදාසි තීන්ත, දුහුවිලි හෝ තෙල් අවශෝෂණය කර ගැනීමට භාවිත කරන අධික අවශෝෂක කඩදාසි වර්ගයක්.
03. දින දහයක් ගතවෙනතුරු Makeup භාවිත කරන්න එපා. මයික්රොබ්ලේඩින් සමෙහි කුඩා කැපුම් ඇති කරන බව මතක තබා ගත යුතුයි. ඒ නිසා සම සුවපත් වීමට ඉඩ දිය යුතුයි. නැතිනම් මේක්අප් හේතුවෙන් ආසාදනයක් ඇති විය හැකියි.
04. මොයිස්චරයිසින් කරන්න. දහඩිය දැමීම වළකාගන්න. දින දහයක් ඇහි බැමි ප්රදේශය Skin care routing වලින් වැළකී සිටින නිසා සම වියළීමට පටන් ගන්නා අතර මෙයට පිළියමක් ලෙස කෝමාරිකා හෝ රෝස වතුර කුඩා ප්රමාණයක් ඇහිබැම ප්රදේශයේ ආලේප කරගත හැකියි.
රූපලාවන්ය උපදේශිකා
ප්රභානි සමරසිංහ
ඕෂධී බියුටි ක්රියේෂන්
ඇන්ඩ් ඇකඩමි
● එරංදි කෞශල්යා
