The Voice සන්නාමය ප්‍රසිද්ධ ඕලන්ද ජාතික වැඩසටහන් නිෂ්පාදකවරයෙකු වන ජෝන් ද මෝල් ගේ සංකල්පයකි. ජාත්‍යන්තරය තුළ පෙරළිකාර ගායන තරු රැසක් බිහි කළ The Voice ආශ්‍රයෙන් සිරස TV විසින් පසුගිය කාලයේ The Voice Sri Lanka සහ The Voice Teens Sri Lanka හඳුන්වා දෙන ලදී.
The Voice සන්නාමය යටතේ සිරස ටීවී හඳුන්වාදෙන නවතම වැඩසටහන වන The Voice Kids වැඩසටහනයි. එය සැප්තැම්බර් මස 23 වැනිදා සිට සෑම සති අන්තයකම රාත්‍රී 7.30 ට සිරස ටීවී තුලින් නැරඹිය හැකිය. මෙය වයස අවුරුදු 7-14 ත් දක්වා දරුවන්ගේ ගායන දක්ෂතාවයෙන් එළිදැක්වේ වෙනුවෙන් නිර්මාණය කරන ලද වේදිකාවකි. රටේ විවිධ පළාත්වලින් තරගකරුවන් 25 000 ක් Blind Audition සදහා මේ වන විට තරගකරුවක් 250 තෝරාගෙන අවසන්. මෙම තරගය පුහුණුකරුවන් ලෙස සහ විනිසුරුවන් ලෙස ජනප්‍රිය මෙන්ම ප්‍රවීන ගායන ශිල්පීන් වන වෛද්‍ය ප්‍රදීප් රංගන, නදිනි ප්‍රේමදාස, හර්ෂණ දිසානායක සහ උරේශා රවිහාරී කටයුතු කරයි. The Voice Kids මෙහෙය වන්නෙ ජනප්‍රිය ගායන සහ රංගන ශිල්පිනියක් මෙන්ම නිවේදිකාවක් වන නතාෂා පෙරේරා විසිනි.
The Voice Kids ගැන කතා කරමින් MTV Channels හි ප්‍රධාන විධායක නිලධාරී සුසාර දිනාල් පවසන්නේ ” මෙය දරුවන්ගේ දක්ෂතා ඉදිරිපත් කරන වැඩිහිටියන්ටත් දරුවන්ටත් එකලෙස නැරඹිය හැකි විනෝදශ්වාදය සපයන රියැලිටි වැඩසටහනක් බවයි. මෙහි සම්පූර්ණ ආකෘතියද The Voice මවු සමාගමට අයත් බැවින් දරුවන් වෙනුවෙන් වැඩසටහන අපි කරනු ලැබුවත් ඔවුන් වැඩසටහන පිළිබඳව අවධානයෙන් පසුවන බවයි. තවද ඔවුන් පවසන්නේ MTV Channles සමාගම මෙම වැඩසටහන සලකන්න ශ්‍රී ලාංකික අනාගතය සඳහා කරන වටිනා ආයෝජනයක් ලෙසටයි.
