නදීෂා අද හෙල්ල අතට ගනී

ලෝක මලල ක්‍රීඩා තරගාවලිය යටතේ හෙල්ල විසිකිරීමේ කාන්තා ඉසව්වෙන් නදීෂා දිල්හානි ලේකම්ගේ අද (23 වැනිදා) තරඟ බිමට පිවිසීමට නියමිතය. හෙල්ල විසිකිරීමේ කාන්තා මූලික වටයේ තරග අද පස්වරු 01:55 ට ‘ඒ’ කාණ්ඩය යටතේ ද පසුව 3.25 ට ‘බී’ කාණ්ඩය යටතේ ද ආරම්භ කෙරේ. හන්ගේරියාවේ බුඩාපේස්ට් හි මෙවර තරගාවලිය පැවැත්වේ. මෙවර තරගාවලියේ මූලික වටයේ පිරිමි මීටර් 400 ධාවන ඉසව්වට සහභාගි වූ අරුණ දර්ශනට 6 වැනි ස්ථානය හිමි විය.