දිවංගත කලාකරු විජය කුමාරතුංගයන්ගේ 36 වැනි ගුණ සමරුව නිමිත්තෙන් එළඹෙන 2024 පෙබරවාරි මස 16 වැනි දින සිට පැවැත්වෙන විජය කුමාරතුංග අනුස්මරණ සමරු සතියේ දී ‘විජය ගී තරුව’ එකොළොස් වන අදියර තරගය සඳහා සම්මාන උළෙල පැවැත්වීමට කටයුතු සූදානම් කර ඇත. විජය කුමාරතුංගයන්ගේ ජන්ම දින සැමරුම යෙදෙන ලබන 2024 ඔක්තෝබර් 9 වැනි දින මෙම තරගයේ පළමු වටය ආරම්භ කිරීමට නියමිතය. ප්‍රවීණ විනිශ්චය මණ්ඩලයක් ඉදිරියේ තරඟ වට තුනකින් සමන්විතය අවසාන මහා තරඟය සහ සම්මාන උළෙල පෙබරවාරි මස පැවැත්වෙන විජය සමරු සතිය තුළ දිනක කොළඹ ප්‍රධාන පෙළේ රඟහලකදී පැවැත්වීමට කටයුතු යොදා ඇත.
විජය කුමාරතුංගයන්ගේ ගීත ජනගත කිරීමේ අරමුණින් වාර්ෂිකව පැවැත්වෙන මෙම තරගයට වයස් සීමාවකින් තොරව ස්ත්‍රී පුරුෂ දෙපාර්ශවයටම ඉදිරිපත් විය හැක. මේ සඳහා ඉදිරිපත් වීමට බලාපොරොත්තු වන අයදුම්කරුවන් ඔබ අතින් ලියන ලද අයදුම් පත්‍රයක්
ප්‍රධාන ලේකම්,
විජය රංජන් මහතා,
විජය කුමාරතුංග අනුස්මරණ සංස්කෘතික පදනම,
නො. 76, විජය කුමාරතුංග මාවත,
ගෝල්ඩන් ඇරෝස් ක්‍රීඩාපිටිය පාර,
ගොංගිතොට, වත්තල.
ලිපිනයට 2023 සැප්තැම්බර් 05 වන දිනට පෙර මුද්දර ගැසූ ලියුම් කවරයක් සමඟ යොමු කළ යුතුය.
වැඩි විස්තර 0723440220/ 0767990444
