‘උන්නා එක ගංගාවක
රන්වන් පුංචි මාළුවෝ…
උන් කී ඒ කතන්දරේ
අක්කේ දැන් අහන්නකෝ…’
නෙළුම් මල් පිරුණ වැවක බෝට්ටුවක් පදින ගමන් මේ ගීතය ගයනා
රෝස පාට ළමා සාරියක් ඇඳගත්ත පුංචි ගැහැණු ළමයා ඔබට මතක ඇති. ජනප්‍රියත්වයේ හිනි පෙත්තටම ළඟා වූ ඒ ගීය ගැයූ මල්සර දෝණිය අද ලංකාවේ කවුරුත් දන්න අතිශය ජනප්‍රිය ගායිකාවක්. මීට අවුරුදු 33කට කලින් ගැයුණු ‘උන්නා එක ගංගාවක’ ගීය තවමත් පුංචි පරම්පරාවල ඈයන්ගේ මුවින් පවා ගැයෙන්නේ ඒ ලබපු අතිශය ජනප්‍රියත්වය නිසාමයි. ඒ දෙසවනට සනීප හඬේ හිමිකාරිය උරේෂා රවිහාරි සහ ඇගේ ආදරණීය පුතු සසේන් තමයි අද නවලිය කැමරා කාචයට මුහුණ දුන්නෙ.
In Frame – Uresha Ravihari and her son
Photographer – Dayan Pradeep
