චාල්ස් රජතුමාගේ පාසල් අවධියේදී නිර්මාණය කරන ලද මැටි එළුවෙක් අද වනවිට පවුම් 5000 ක වටිනා අත්කම් නිර්මාණයක් බවට පත් වී අවසානයි. 1960 දශකයේදී චාල්ස් කුමාරයා සරසවි තමන්ගේ අත්වැඩක් ලෙසින් නිර්මාණය කරන ලද මේ පිඟන් මැටි එළු රූපය හෙලන් පැටන්ට දුන්නා. ඇය චාල්ස් කුමරු කේම්බ්‍රජ් විශ්ව විද්‍යාලයේ අධ්‍යාපනය ලබන කාලයේදී නේවාසිකාගාරයේ අරක්කැමි කාන්තාවක්. චාල්ස් කුමාරයා විසින් මේ මැටි රූපය ඇයට ලබා දී තිබෙන්නේ 1971 වසරේදී.
හෙලන් මේ පිඟන් මැටි එළු රූපය ඇගේ බෑණා කෙනකු වූ රේමන්ඩ් පැටන්ගේ උපන්දිනයට තෑග්ගක් ලෙසින් ලබා දුන්නා. බෑණා තමන්ට ලැබුන තෑග්ග බොහොම පරිස්සමින් රැක ගත්තා. කොටින්ම වසර 53 ක කාලයක්. රාජකීය පවුල වෙනුවෙන් තම්න්ගේ නැන්දණිය ඉතා හිතෛෂිව කටයුතු කළ අතර ඇය මව් රැජින වෙනුවෙන්ද ආහාර පිසීමේ කටයුතුවල නිරත කාන්තාවක්. පසුගිය ජූනි 4 වැනි දින හැන්සන්ස් ( Hansons) වෙන්දේසි ආයතනය විසින් මේ එළුවා පවුම් 10,000 කට ආසන්න මුදලකට වෙන්දේසි කිරීමට ලංසු තැබුවා. කොහොම වුණත් මේ සිදුවීමෙන් එකක් පැහැදිලියි. චාල්ස් රජතුමා මැටි අත්කම්වලට වැඩි කැමැත්තක් වගේම දක්ෂතාවයක් පෙන්වලා තිබෙන බවත් මෙයින් තහවුරු වෙනවා.
Daily mail ඇසුරෙන්
පුන්‍යා චාන්දනී ද සිල්වා✍️
