විද්‍යුත් ජැම්වල් කියන්නෙ Bollywood වල ඉන්න හොඳම ක්‍රියාදාම නළුවෙක්. Anjaan චිත්‍රපටිය හරහා සැමගේ ආදරය දිනාගත් විද්‍යුත් ලෝකය පුරා කතාබහට දක්වන්නේ කමාන්ඩෝ චිත්‍රපටියත් සමගයි. වෙනත් නළුවන් මෙන් නොව කිසිදු ආදේශකයෙක් භාවිත නොකර ක්‍රියාදාම කිරීම මොහුගේ විශේෂත්වය වන අතර ඔහු ක්‍රියාදාම ජවනිකා රඟපෑමේදී කේබල් පවා භාවිත නොකරන බව මේ වනවිටත් ප්‍රසිද්ධ රහසක්. මේ නිසාම ඔහුට කියන්නේ බොලිවුඩ් ඇක්ෂන් කිං කියලා.
කෙසේ වෙතත් මේ වනවිට විද්‍යුත් බංකොලොත් අයකු බව ඉන්දීය මාධ්‍ය වාර්තා කරනවා. ඔහු කෙතරම් දක්ෂ නළුවෙක් වුණත් ඔහුගේ බොහොමයක් චිත්‍රපට අසාර්ථක වී තිබෙනවා.
මෑතකදී ඉන්දියානු රුපියල් කෝටි හතළිස් පහක් වියදමින් නිර්මාණය කරනු ලැබු CRAKK චිත්‍රපටයේද ඔහු අසාර්ථක වී තිබෙනවා. ඒ නිසා තමාට විශාල පාඩුවක් සිදුවූ බව ඔහුම ප්‍රසිද්ධ මාධ්‍යයක කියා සිටිනවා.
මේ පාඩුව පියවා ගැනීම සඳහා විද්‍යුත් ප්‍රංශ සර්කස් කණ්ඩායමකට බැඳිලා තියෙනවා. චිත්‍රපටිය අසාර්ථකවීම නිසා සිදුවූ මානසික අවපීඩනය අවම කරගන්නත් ආර්ථික වශයෙන් ශක්තිමත් වෙන්නත් සර්කස් කණ්ඩායමට බැඳුණු බවයි විද්‍යුත්ගේ නෑදෑ හිත මිතුරන් නම් පවසන්නේ.
කෙසේ වෙතත් විද්‍යුත් සති දෙකක කාලයක් සර්කස් කණ්ඩායම සමග සිට ඇති අතර ඔහුගේ පාඩුවත් පියවාගත් බවයි ආරංචි. තමන් ඉදිරියේදී නැවතත් සුපුරුදු ලෙසින් චිත්‍රපට සමග සම්බන්ධ වෙන බව ඔහු වැඩි දුරටත් පවසා තිබෙනවා.
නිපුනි සම්මානි ✍️
