සාර්ථකත්වය ලැබෙන්නේ වෙහෙස මහන්සි වී වැඩ කිරීමෙන් පමණක් බව ජනප්‍රිය විශ්වාසයක් තියෙනවා. ඒ වුණත්, දහඩිය නොහෙලා සාර්ථකත්වය නෙළා ගනිමින් ජීවිතය සාර්ථක කරගත් අය ඕනෑ තරම් සිටින බව ඔබ දන්නවද? ඔවුන්ගේ රහස වෙන්නෙ ඔවුන් විසින්ම පුරුදු පුහුණු කරන හැසිරීම් මාලාවක්. මහන්සි නොවෙන නිසා ඔයා හිතන්නෙ මේ අය කම්මැලියො කියලද? ඒ දේ වැරදියි මොකද මේ අය කම්මැලි අය නෙවෙයි. ඔවුන් නිරන්තරයෙන් මහන්සියට ලක් නොවී, ඔවුන්ගේ අරමුණු සාක්ෂාත් කර ගැනීම සඳහා වඩාත් දක්ෂ ක්‍රම සොයාගෙන තියෙනවා. මෙම පුරුදු මොනවද කියලා දැනගන්න ඔයත් කුතුහලයෙන් නේද ඉන්නෙ? අපි ඒවා එකට ලිහා ගනිමු. මෙම ලිපියෙන් අපි අද ඔයාගෙ ඒ කුතුහලය නැති කරනවා. ඔබටත් වැඩි වෙහෙසට පත් නොවී සාර්ථකත්වයට මාවතක් සොයාගත හැකි විදිය අපි ඔයාට කියලා දෙන්නම්.
1) කාර්යයන් සඳහා ප්‍රමුත්වය දෙන්න..
වෙහෙස මහන්සි වී වැඩ නොකරන සාර්ථක පුද්ගලයින්ට ඔවුන්ගේ කාර්යයන් පිළිවෙලට තැබීමේ දක්ෂතාවයක් පවතී. සියලුම කාර්යයන් සමාන නොවන බව ඔවුන් තේරුම් ගෙන ඇති අතර, ඔවුන් සියල්ල එකවර කිරීමට උත්සාහ කරන්නෙත් නැහැ. ඇතැම් අය බොහෝ විට නොසලකා හරින පුරුද්දක්.
නමුත් වඩා වෙහෙසකින් තොරව සාර්ථකත්වය ළඟා කර ගැනීම සඳහා මෙය ඉතා වැදගත් වෙනවා. මෙය පිටුපස තිබෙන අදහස සරලයි. ඔබට වඩාත්ම වැදගත් බලපෑමක් ලබා දෙන කාර්යයන් කෙරෙහි ඔබේ ශක්තිය යොමු කරන්න. මෙම ප්‍රවේශය සරල බවක් ඔබට පෙනේවි. නමුත් එයට විනය සහ ඔබේ ඉලක්ක පිළිබඳ පැහැදිලි අවබෝධයක් තිබීම අත්‍යවශ්‍ය වෙනවා. මොකද මෙහිදී සැබවින්ම ඔබට වැදගත් දේ හඳුනා ගැනීම සහ නොවැදගත් දේ අතහැර දැමීම සිදුකරනවා.
2) ස්වයංක්‍රීයකරණය වැළඳගන්න
ඔබ සෑමවිටම කාර්යක්ෂමතාවයෙන් දියුණු වෙන කෙනෙක්වන්න. ඔබ වටා සිටින වඩාත්ම සාර්ථක පුද්ගලයින්ට හෝ අනෙක් සියල්ලන්ට වඩා වෙහෙස මහන්සි වී වැඩ කිරීමට ඔබට අවශ්‍ය නොවේ. ඒ වෙනුවට ඔබ ස්වයංක්‍රීයකරණය වැළඳ ගන්න. ඔබේ පුනරාවර්තන කාර්යයන් ස්වයංක්‍රීය කිරීමට ක්‍රම සොයා ගනිමින්, වඩා උපායශීලී, වටිනා වැඩ සඳහා ඔබේ කාලය සහ මානසික ශක්තිය නිදහස් කර ගන්න.
උදාහරණයක් විදිහට ඔබ සෑම සතියකම ඔබේ ඊමේල් කළමනාකරණය කිරීමට පැය ගණන් ගත කිරීමට පුරුදුව සිටින්නෙක්නම් එය ඔබේ කාලය නිරන්තර කා දමන්නක් වෙන්න පුළුවන්. නමුත් ඔබ විද්‍යුත් තැපැල් පෙරහන් සහ රීති සොයා ගෙන, එමඟින් ඔබේ ඊමේල් පණිවිඩ ස්වයංක්‍රීයව අදාළ ෆෝල්ඩරවලට වර්ග කිරීමට වග බලාගන්න.
3) ‘නැත‘ බලය භාවිත කරන්න…
අප බොහෝ දෙනෙක් ‘නැහැ‘ කීමට පොරකති. එමෙන්ම අප මඟහැරීමට හෝ අන් අයගේ බලාපොරොත්තු සුන් කිරීමට බිය වෙමු. නමුත් මෙහි විශ්මය ජනක දෙයක් තිබෙනවා. එනම් ලෝකප්‍රකට මෙන්ම සාර්ථක ආයෝජකයෙකු වන වොරන් බෆට් වරක් පැවසුවේ ” සාර්ථක මිනිසුන් සහ සැබවින්ම සාර්ථක පුද්ගලයින් අතර ඇති වෙනස නම් සැබවින්ම සාර්ථක පුද්ගලයින් සෑම දෙයකටම පාහේ එපා යැයි පැවසීමට පෙළඹීමයි”. මෙම පුරුද්ද සහයෝගයෙන් කටයුතු කිරීම හෝ දුෂ්කර වීම නොවේ. එය ඔබේ සීමාවන් තේරුම් ගැනීම සහ ඔබේ කැපවීම් ඥානවන්තව තෝරා ගැනීමයි.
වෙහෙස මහන්සි වී වැඩ නොකරන ඉහළ සාර්ථකත්වයක් ඇති පුද්ගලයින් ඔවුන්ගේ කාලය හා ශක්තිය තෝරා බේරා ගනී. සෑම දෙයකටම ‘ඔව්‘ කීම තිරසාර හෝ ඵලදායී නොවන බව ඔවුන් තේරුම් ගනී. ඔවුන්ගේ අරමුණු සමඟ නොගැළපෙන කාර්යයන් හෝ ව්‍යාපෘතිවලට ‘නැහැ‘ පැවසීමෙන්, ඔවුන් සැබවින්ම වැදගත් දේ සඳහා ඔවුන්ගේ කාලය හා ශක්තිය ආරක්ෂා කරයි.
4) වර්ධන මානසිකත්වයක් ඇති කර ගන්න
ඉතා සාර්ථක පුද්ගලයන්ට බොහෝ විට වර්ධන මානසිකත්වයක් ඇත. ඔවුන් අභියෝග සළකන්නේ සාර්ථකත්වයට බාධාවක් ලෙස නොව ඉගෙනීමට සහ වර්ධනය වීමට ඇති අවස්ථා ලෙසය.
මනෝවිද්යාඥ කැරොල් ඩ්වෙක් විසින් මුලින්ම හඳුන්වා දුන් මෙම මානසිකත්වය බලවත් වෙනසක් ඇති කරනවා. එය ගැටළු ඉගෙනීමේ අත්දැකීම් බවටත් අසාර්ථකත්වය පියවරයන් බවටත් පරිවර්තනය කරනවා. මෙම ප්‍රවේශය අනුගමනය කිරීම අනිවාර්යයෙන්ම වෙහෙස මහන්සි වී වැඩ කිරීම නොවේ.
ඒ වෙනුවට, එය ඔබගේ අත්දැකීම්වලින් ඉගෙන ගැනීමෙන් සහ එම දැනුම අනාගත තත්ත්වයන්ට යොදා ගනිමින් වඩා දක්ෂ ලෙස වැඩ කිරීමට අවශ්‍ය වේ. නිදසුනක් වශයෙන්, ව්‍යාපෘතියක් අසාර්ථක වුවහොත්, එය පරාජයක් ලෙස සලකනු වෙනුවට, එය පාඩමක් ලෙස සළකන්න.
ඔබට එයින් ඉගෙන ගත හැක්කේ කුමක්ද සහ එම තීක්ෂණ බුද්ධිය ඉදිරියට ගෙන යා හැක්කේ කෙසේදැයි ඔබෙන්ම අසන්න. මෙම පුරුද්ද අඛණ්ඩ ඉගෙනීම සහ වැඩිදියුණු කිරීමකි. එය හොඳ හෝ නරක සෑම අත්දැකීමක්ම වර්ධනය සඳහා අවස්ථාවක් ලබා දෙයි. තවද මෙම ප්‍රවේශය බොහෝ විට නොපසුබස්නා වෙහෙස මහන්සි වී වැඩ කිරීමකින් තොරව සාර්ථකත්වයට මඟ පෑදිය හැකි වේ.
5) නිතිපතා ස්වයං රැකවරණය පුරුදු කරන්න
මෙහි ප්‍රතිවිරෝධී බවක් පෙනෙන්නට තිබෙන නමුත් තමන් ගැන සැළකිලිමත් වීම ඉතා සාර්ථක පුද්ගලයින්ගේ පොදු පුරුද්දකි. එබැවින් ඔබගේ සෞඛ්‍යය සහ යහපැවැත්මත් ඔබගේ කාර්ය සාධනය සහ සාර්ථකත්වය සඳහා අත්‍යවශ්‍ය බව ඔබ තේරුම් ගන්න.
ස්වයං රැකවරණය යටතට නිතිපතා ව්‍යායාම කිරීම, සෞඛ්‍ය සම්පන්නව ආහාර ගැනීම, සිහිය පුරුදු කිරීම හෝ විවේකීව සහ නැවත ආරෝපණය කිරීමට කාලය ගත කිරීම වැනි විවිධ ක්‍රියාකාරකම් ඇතුළත් වෙනවා. මේවා සාර්ථකත්වයට සෘජුවම සම්බන්ධ නොවන බවක් පෙනෙන්නට තිබුණද, ශාරීරික හා මානසික සෞඛ්‍යය පවත්වා ගැනීම සඳහා තීරණාත්මක කාර්යභාරයක් මේ හරහා ඉටු කරනවා.
නිරෝගී ශරීරයක් සහ නිරවුල් මනසක් නිරන්තරයෙන් ආතතියට හෝ වෙහෙසට පත්වන එකකට වඩා බෙහෙවින් ඵලදායී වේ. ස්වයං රැකවරණයේ බලය අවතක්සේරු නොකරන්න. ඔබ ඔබ වෙනුවෙන් කාලය ගත කරන විට ඔබ වැඩ නොකරන බවක් පෙනෙන්නට ඇති නමුත් ඇත්ත වශයෙන්ම, ඔබ ඔබේ වඩාත්ම වැදගත් සම්පත සඳහා ආයෝජනය කරන්න. එමගින් දිගුකාලීනව ඉහළ ඵලදායිතාවයක් සහ සාර්ථකත්වයක් ඔබට ලබා ගත හැකි වේ.
ඉතින් ඔයාගෙ සාර්ථකත්වය වෙනුවෙන් යන ගමනෙදි ඔයාවත් සතුටින් තියන ගමන් මහන්සි නොවී ඉතාම සාර්ථක ජීවිතයකට උරුමකම් කියන්න ඔයාට අද අපි කියලා දීපු මේ කරුණු කිහිපය වැදගත් වේවි කියලා අපි හිතනවා. ඉතින් මේ කරුණු ඔබේ ජීවිතයටත් එකතු කර ගන්න. සතුටින් වගේම සැහැල්ලුවෙන් යුක්තව සාර්ථකත්වයේ මාවත දිගේ පියමනින්නට එය ඔබට උපකාරයක් වේවි.
smallbusinessbonfire.com ඇසුරෙන්
ටෂ්මි ගමගේ ✍️
