ජනාධිපතිවරණය කට අස්සෙ තියාගෙන එක එක කඳවුර එක එක ලෙවල් එකෙන් තමන්ගෙ කඳවුරේ බලය පෙන්වන්න හදනව.ඇත්තටම ජනාධිපතිවරණයේ තීරණාත්මක කඳවුර මොකක්ද කියලත් එක එක මානයන් ගෙන් එක එක්කෙනා මැනගෙන එක එක කැම්පේන් ප්ලෑන් කරනව.
සාමාන්යයෙන් අපේ රටේ මිනිස්සු ගත්තම වැඩිපුරම දේශපාලනය පේන්න කරන්නෙ පිරිමි. රැස්වීමවලට බැහැගෙන යන්නෙ පිරිමි, හන්දි ගානෙ, බාර් ගානෙ, කඩ ගානෙ, ඔෆිස් ගානෙ දේශපාලනය කතාකරන්නෙ පිරිමි. ඉස්කෝලෙක වුණත්, ඔෆිස් එකක වුණත්, යාලුවොන්ගෙ වුණත් වට්සැප් ගෲප්වල වැඩිපුරම දේශපාලනික කාරණා ශෙයාර් කරන්නෙ පිරිමි.
ගෑනු දේශපාලනික කාරණා කතා කරනව හරි හොරයි. බුකියේ වුණත් කාන්තාවො ශෙයාර් කරන්නෙ දේශපාලනික ලට්ට ලොට්ට නෙමෙයි. ඇත්තටම බැලූ බැල්මට අපේ රටේ ගැහැණු එච්චරම දේශපාලනිකව සංවේදී කියල පේන්නෙ නෑ. ලෝකෙ ප්රථම අගමැතිණිය බිහිකළ විධායක ජනාධිපතිනියක් බිහිකළ රටේ කාන්තාවන්ගෙන් පිරිමි පරයා දේශපාලනිකව ඉස්මතුවීමක් සමාජයේ පේන්න නෑ.
ඒත් අපි අමතක නොකළ යුතු වැදගත් කාරණාවක් තියෙනව. කාන්තාවන් බොහෝවිට තමන්ගෙ අදහස වගේම මතය පිරිමි වගේ පැනල කියන්න මහන්සි වෙන්නෙ නෑ කියන එක. ආදරය වුණත් සාමාන්යයෙන් මුලින්ම පැනල කියන්නෙ කොල්ලා. කෙල්ල කරන්නේ නිහඬව දරාගෙන බලාන ඉන්න එක. හැබැයි කෙල්ලගෙ තීරණය අතිශය තීරණාත්මකයි. ගෙදර වුණත් තාත්තා කෑ ගැහුවට ගෙදර අනාගතය සම්බන්ධයෙන් නිහඬ වුණත් වැදගත්ම ආකෘතිය පාලනය කරන්නෙ අම්ම. දේශපාලනය වගේ සාමාජීය කාරණාවලටත් ඒක එහෙමයි.
මේ රටේ මේ මොහොතෙ ජන්දදායකන්ගෙන් 53%කට වඩා ඉන්නෙ කාන්තාවන්. නිසැකවම කාන්තාවගේ ජන්දය තීරණාත්මකයි මේ සැරේ.මේ ළඟදි, ලංකාවෙ විශ්ව විද්යාලවල ගැහැණු ළමයින්ගෙ ප්රතිශතය ගැන දත්ත වගයක් පළකරල තියෙනව මම දැක්ක. ඒ වාර්තාව අනුව හිතාගන්න බැරි වේගයෙන් ලංකාවෙ විශ්ව විද්යාලවල ගැහැණු ළමයින්ගෙ ප්රතිශතය වැඩිවෙලා තියෙනව.
1942 – 10%
1972 – 42.7%
2002 – 53%
2022 – 65% යි…
අද මේ රටේ විශ්වවිද්යාලවල ළමයින්ගෙන් පවා බහුතරයක් ඉන්නෙ කාන්තාවො. රටේ සාමාන්ය සාක්ෂරතාව බැලුවත් කාන්තාවන්ගෙ සාක්ෂරතාව 94.6 % ක් මේ වෙද්දී. ලංකාවෙ කාන්තාව විසින් ආර්ථිකය දරාගෙන ඉන්න පවුල් ගණනත් 24% වෙනවා. සමහර දිස්ත්රික්කවල ඒ ප්රමාණය 30% කට ආසන්නයි.
මේ බොහොමයක් කාරණාවලින් පැහැදිලි වෙන්නෙ එකයි, ඒ තමයි ජනාධිපතිවරණය ජයගන්නෙ අනිවාර්යයෙන්ම වැඩිපුරම කාන්තා හිත් දිනාගන්න අපේක්ෂකය කියන එක. ජන්දය පාවිච්චි කරන්නෙ හොරාට, ඒක මිනිස්සුන්ගෙ අයිතියක් කාටවත් ප්රශ්න කරන්න බැරි. සැමියා, පෙම්වතා නැත්නම් පියා, සහෝදරයා මොනවා කීවත් කාන්තාවගේ ඡන්දය තීරණය කරන්නේ ඇය විතරක්මයි.
ඒ නිසා මේ ජනාධිපතිවරණයේ ජයග්රාහකයා වෙන්න කැමති කෙනා කාන්තා මනාපය ඉහළින්ම දිනාගන්න ඕන. මේ මොහොතේ මේ රටේ කාන්තාව වැඩිපුරම ප්රිය කරන කෙනා නිසැකවම ජනාධිපතිවරණය ජයගන්නව. ඒ ප්රියතාවය කාන්තාවට කාන්දුකරන වැඩේ තමයි මේ මොහොතේ සියලුම කැම්පේන්වල ෆෝකස් එක වෙන්න ඕන.
නුවන් ගම්මම්පිළ
