නොවැම්බර් 1 වැනිදා තිරගතවීමට නියමිත Bhool Bhulaiyaa චිත්‍රපට මාලාවේ තුන්වන චිත්‍රපටය ගැනයි අපි අද ඔයාලට අරන් ආවේ.
Bhool Bhulaiyaa පළමු චිත්‍රපටය 2007 වසරේ තිරගත වුණු අතර ඒ සදහා අක්ෂේ කුමාර්, විද්‍යා බාලන්, රාජ්පාල් යාදෙව්, පාරේෂ් රාවල් රංගනයෙන් දායක වුණා. 1993 දි මලයාලම් භාෂාවෙන් තිරගත වූ Manichitrathaszu චිත්‍රපටයේ රීමේක් එකක් විදිහට Bhool Bhulaiyaa නිර්මාණය වෙනවා.
ප්‍රියදර්ශන් විසින් අධ්‍යක්ෂණය කරනු ලැබු මේ පළමු චිත්‍රපටය නිර්මාණයට කෝටි 32 ක් වැය කර තිබෙනවා ඒ වගේම බොක්ස් ඔෆිස් වාර්තා බිද හෙළමින් ඉන්දියානු රුපියල් කෝටි 82 ක අදායමක් ලබාගැනීමටද සමත් වෙලා තියෙනවා.
ඒ වගේම මෙහි දෙවනි චිත්‍රපටය තිරගත කරන්නේ 2022 දි. එය Anees Bazmee විසින් අධ්‍යක්ෂණය කරනු ලැබුවා. කෝටි 70 වියදමින් නිර්මාණය වුණු මෙම චිත්‍රපටය කෝටි 266 ක අදායමක් ලබාගැනීමට සමත් වෙලා තියෙනවා. මෙහි ප්‍රධාන චරිත තාබු, කියාරා අද්වානි හා කාර්තික් ආර්යන් නිරූපණය කරනවා.
Commedy හා Horror ගනයට වැටෙන Bhool Bhulaiyaa තුන්වන චිත්‍රපටය ද අධ්‍යක්ෂණය කර තිබෙන්නෙ Anees Bazmee විසින්. මධූරි ඩික්සිත්, විද්‍යාබාලන් වැනි සුප්‍රසිද්ධ රංගන ශිල්පින් මේ සදහා රංගන දායකත්වය සපයලා තියෙනවා.
හින්දි භාෂාවෙන් තිරගත වීමට නියමිත මෙම චිත්‍රපටය කෝටි 150 කින් නිමවූවක්. මධුරිගෙත් විද්‍යා බාලන්ගෙත් අති විශිෂ්ඨ නර්තන හැකියාවන් මේ චිත්‍රපටයෙන් අපිට දැකබලා ගන්න පුළුවන්. ඒ වගේම විද්‍යා බාලන් මේ චිත්‍රපටය සදහාම තම ශරීරයේ බර අඩුකරගෙන කියලා තමයි ඉන්දීය මාධ්‍ය වාර්තා කරන්නේ.
නිපුනි සම්මානි ✍️
